આ અવાજોનું નગર છે.
બોલ સન્નાટા, ખબર છે?
ઘર હવાનું, બારણા ક્યાં?
દોસ્ત, પરપોટો અ-ઘર છે?
એક માણસ મા'તમા થાય,
એક ઈચ્છાની અસર છે.
છેક સુધી એ અળગા ચાલ્યા
જળને કાંઠાની કદર છે?
અડધે રસ્તે રાત થઈ ગઈ.
'પ્હોંચવુ' કેવી સફર છે?
પારદર્શક છે ભલે પણ,
કાચ કરચોથી સભર છે.
જો ફરી સૂરજ ઉગ્યો છે,
કેમ પડછાયા વગર છે?
ગુરુવાર, 17 માર્ચ, 2011
દોસ્ત પરપોટો અ-ઘર છે?
આના પર સબ્સ્ક્રાઇબ કરો:
પોસ્ટ ટિપ્પણીઓ (Atom)
0 ટિપ્પણી(ઓ):
ટિપ્પણી પોસ્ટ કરો